Paalam

Kung sakali mang dumating ang panahon
na ako'y di mo na ibigin
at bawat kislap ng 'yong mata'y
di na akin.

sa paglipas ng araw . . .
at iba na ang kapiling,
hayaan mong aking alalahanin
ang naglahong pagtingin.

ngunit paano . . .
pawiin ang bawat sakit
limutin ang sugat
na ang kirot ay di maalis?

paano . . .
pigilin ang bawat patak ng luha
at buuin ang pangarap
na minsa'y hiniling nating matupad?

bakit paalam?
ako ba'y di mo na mahal?
sana ako'y iyong pakinggan . . .
ako sa iyo'y maghihintay . . .
kahit pa abutin ng isang kailanman.

120903