Sa bawat sakit na pinadadama mo sa akin
Ang kakaibang nararamdaman ng puso, di kayang baguhin
Kahit patuloy kang lumayo at umiwas sa akin
Hinding hindi pa rin makakalimutan ang pinagsamahan natin
Alam ko na di mo talaga ako iibigin
Gayunpaman di ko yun tinatawag na isang suliranin
Sa ngayon isa lamang ang natatangi kong panalangin
Hayaan mo lang ako na ikaw ay mahalin
Madalas kong tanong sa sarili, "Bakit kita mahal?"
"Anong meron sa iyo?", Tanong ko sa Maykapal
Sa tanong na yan, kayang sabihin ng bibig
"Tanggap kita kung ano ka, ika'y iniibig."
