GaLiT

Galit sa iyo ay aking naramdaman
nang nalaman iyong kasinungalingan.
Sakit na dulot mo'y kayhirap tanggalin
sa aking isipan,puso at damdamin.

Nang ikaw ay nawalay sa aking piling,
sarili'y pinilit ikaw ay limutin
pagkat ika'y ayaw nang alalahanin
maging iyong kasinungalingan sa'kin.

Kapag naririnig ang iyong pangalan,
Ako'y tila isang batang walang muwang,
kumikilos na parang walang dinaramdam
kahit may tila tinik sa isipan.

Ano nga ba ang nararapat kong gawin?
Walang iba kundi ika'y patawarin,
pagpapakumbaba'y dapat pairalin
upang magkaayos bawat isa sa'tin.