Swayam ki oar

by Pallavi Singh   Jun 17, 2012


Swayam ki oor

Hai nirantar bheed me kuch
Khojta pata hua sa
Hai swayam ke need ko kyun
Bhoolta jata hua sa

Hai khabar sab "aur" ki
Shakha se ik patta gire to
Hai nahin kuch hoosh ki hai
Fir patjhar aya gaya sa

Jhar na paye Shabd ke patte abhi tak
Ho nirantar batorte inko sanjote
Pak Gaye peele hue ab ,thak Gaye neele hue abb
Chor do Inko dhara par rakhoge kab talak abb

Rooj gunjit bhoor karte
Sarsarate shor karte
Khali hain ye shabd saare
Khali tumko aur karte

Aab na aayenge basant fir se
Aab na lautega wo saawan
Fir nahin rituon ke melé
Kab talak ye aawan -jaawan

Jab hilega daar-daar,tab girega paat-paat
Tab dikhega thoonth sabko aawarn na ho koi paas
Bheesm ki shaiyya sa na tik
Uth khada le apna haath
Jaab takega swayam ko tu, tab milega apna saath.

Jhaar de sab shorgul ko
Bhoolta ja sab ki bhul ko
Kar jara sahas to tu bhi
Sunsakega apni dhun ko

Doosron ke saath ko tu
Priti na samjhte rehna
Har kisi ke geet ko tum
Sangeet na samajhte rehna

Jab girega "kaun" ye
Jab mitega karnewala
Jab na vakta, jab na shrota
Tab uthega sangeet pyara

Thoonth sa nirjar khada tu
"sakahi ho" ritu chakra ka
Maun ka aakaash tera
Bhoomi Teri hai prateeksha

Hai kshitiz tu swayam me to
Kyun batorta hai ye dhooli
Akash khali tere bheetar
Kya tujhe banna godhooli?

0


Did You Like This Poem?

Latest Comments

More Poems By Pallavi Singh