Sa Puso Ko'y Ikaw

Dumaan ang magdamag na di kita maramdaman
Pakiramdam ko para akong naghintay sa kawalan
Tangi ko na lang magagawa ay isipin ka sa tuwina
At umasang paglipas nitong araw ay darating ka na

Ewan ko ilang araw pa ang kailangan kong hintayin
Kasama ang pangambang marami pang darating
Sana hindi ka bibitaw sa ating mga pangako
Dahil yun ang dahilan kung bakit naging matatag ako

Noon, hindi na ako umasang babalik ka at magmamahal
Kaya labis ana takot sa puso ko na di ka magtatagal
Alam kong mali ang hilingin ka sa Maykapal
Ngunit ang dalangin ng puso ko ay tapat at bukal

Nais kong malaman mo na mahal na mahal kita
Di ko alam kung bakit pa tayo pinagtagpo ng tadhana
Sa kabila ng katotohanang tayo'y di na malaya
Upang ipagsigawan ang damdaming alam nating di tama

Iisa lang ang pangako ng puso ko't isipan
Pagmamahal ko sayo ay tila wala ng hanggan
Kahit anu man ang maging dulo ng ating kwento
Mannatiling nakaukit na ang pangalan mo sa puso ko

Sana ay ganun din ang halaga ko sa buhay mo
Sana ay may puwang din ako sa puso at isip mo
Magiging walang katapusan man itong paghihintay
Mamahalin kita sa bawat minuto ng habambuhay