Bewafaii

Woh sapne jo milke dekhe the
Aaj bikhre pade hai in ankhon ke samne
Teri bewafaii ko yun jagha di khud mein
Ki dil roke bhi hans diya in ankhon ke samne

Zakhmi ho ke bhi khush rehthi hoon
Kya karoon, bewafaii sehne ki addat nahi hai
Yun dard mein mar rahi hoon har pal
Kya karoon, tere bin jeene ki addat nahi hai

Sochoon yunhi pal do pal
Shayad sab khoke bhi tujhe nahi paungi
Zindagi se rang kuch yun udda hai
Ki usmein phirse pyaar bhar nahi paungi

Tune haath kya choda,
Mano pairon se zameen khinch gayi ho
Yunhi sanse le rahi thi,
Aur achanak dhadkane khinch gayi ho