Na jaane khafa hun zindagi se, na jaane khud se naraaz hun,
Na jaane khud se dur hun main, na jaane kiske paas hun.
Tadapta hai dil har pal, na jaane isko kiski aas hai,
Gum ke samunder mein dub rahi hun main, jaane phir bhi kyun ek pyaas hai.
Shikayat karun zindagi se ya isko pyar ki innayat samajh kar khush rahun,
Jab rutha ho khuda hi to phir haale dil ka gila kisse karun.
Darti hun aankhen band karne se ki ek sapna sunder aa jayega,
Khulengi jab aankhen to dard yeh jeewan bhar ka de jayega.
Udaasi mein har khushi ek khwahish si lagti hai,
Roti hain agar aankhen to bhi gumon ki aazmahish si lagti hai.
Dard chupane ke liye duniya ko has ke dikhana ek karz sa lagta hai,
Har khush chehre ke peeche koi dil ka marz sa lagta hai.
Kaante milte hain raahon mein, mujhe kaanto se koi inkaar to nahi,
Kya karun insaan hun, mujhe bhi in aansuon se koi pyar to nahi.
Kehte hain subah ke intezaar mein kaali raat kat jaati hai,
Koi pooche tute is dil se mere ki kya koi aas baaki hai.
Jaane kaise hote hai sapne poore,
Humaari aankhon mein to reh gaye sab adhoore.
Nahi kehti ki main na ab hasungi,
Jee lungi zindagi, bas, ab na khush rehne ke laalach mein phasungi.
